Тотнем е првиот клуб на Мурињо со кој Португалецот не успеа да освои трофеј. Тој беше отпуштен на само неколку дена пред финалето во Лига Купот.
Тотнем се одлучи сезоната да ја почне со Нуно Еспирито Санто, кој му беше и помошник на Мурињо во еден момент од кариерата, но брзо беше отпуштен а на негово место сега е назначен Антонио Конте.
„Конте е добар тренер, но и Нуно беше многу добар тренер. Тој заврши фантастична работа во Вулверхемптон 4-5 години. Тоа не е година или неколку месеци. Затоа велам дека Тотнем сега има многу добар тренер, но имаше и со Нуно“, вели Мурињо.
Ваквата изјава на Мурињо може да се протолкува и како негово алиби за својата ситуација во Тотнем, како да сака да каже дека проблемот во тој клуб не се тренерите, туку едноставно составот не е конкурентен, а раководството на клубот бара резултати.