Во канцелариите на Манчестер јунајтед се подготвува отказот на Оле Гунар Солшер, според англиските медиуми тој нема да го дочека следниот натпревар, деновиве ќе биде отпуштен.
Познатите италијански новинари, Алфредо Педула и Џанлука Ди Марцио, тврдат дека раководството на Манчестер јунајтед брзо по дебаклот од Ливерпул стапило во контакт со Антонио Конте и тој им рекол дека е заинтересиран да биде наследник на Солшер.
Според „Спортиталија“, било дискутирано за тригодишен договор вреден 12 милиони евра по сезона.
Во наредните денови се очекува преговорите да бидат финализирани и Конте да биде промовиран во нов тренер на Манчестер јунајтед.
Вообчаено Конте не сакаше да се нафаќа на работа во сред сезона, тој преферираше да преземе клуб на стартот на подготовките, но бил подготвен за Манчестер јунајтед да направи исклучок.