Касано: Роналдо најдобар? Па тој не е ниту помеѓу најдобрите пет фудбалери

Поранешниот
италијански фудбалер Антонио Касано тврди дека ѕвездата на Манчестер јунајтед,
Кристијано Роналдо не е ниту во најдобрите пет фудбалери на сите времиња, а со
тоа го демантираше агентот на Португалецот, Жорж Мендеш.

Мендеш инаку го
испофали својот клиент, а тврдеше дека тој заслужува да ја освои овогодинешната
Златна Топка, нешто за што Касано воопшто не се согласува.

„Доста е театар
од Мендеш… Дали Кристијано Роналдо е најдобриот во историјата на фудбалот?
Тој не е ниту во топ петте“ рече Касано за „Бобо ТВ“, поточно на платформата на
Кристијан Виери.

„Меси, Пеле,
Марадона, Кројф и Роналдо (Бразилецот) се на едно друго ниво“ додаде
контроверзниот Италијанец.