Хамес Родригез си замина од Евертон и потпиша за катарскиот клуб Ал Рајан. 30-годишниот фудбалер не ни заигра откако Бенитез дојде во клубот.
Бенитез вели дека Хамес бил продаден затоа што тоа е добро за баланс на финансиите на Евертон, тие не можат да си дозволат да имаат фудбалер кој не може да одигра половина од мечевите, а да му даваат голема плата.
„Хамес е и многу лесен и комплициран случај. Ова е Премиерлига, и ова е Евертон и имате фудбалер кој може да одигра само околу 50 проценти од натпреварите во Премиерлигата“, вели Бенитез.
„Тоа не е нешто што може лесно да се менаџира. Ние треба да ги максимизираме ресурсите кои ги имаме, таква е ситуацијата“.
„Понудата која ја добивме беше добра за нас и за него, тој беше среќен со тоа, а ние требаше да го направиме за доброто на иднината на клубот“.