Јувентус со пресврт до триумф над Специја, прва победа оваа сезона (ВИДЕО)

Јувентус добро го почна амечот, поведе во 28. минута со гол на Кин, но само пет минути подоцна Гиаси израмни на 1-1.

Течеше четвртата минута од второто полувреме, Антисте постигна гол за водство на Специја од 2-1, нов шокантен резултат за Јуве.

Но старата дама сепак успеа да се опорави, Киеза во 66. минута го изедначи резултатот на 2-2, а шест минути потоа погоди и Де Лихт за победа на Јувентус од 3-2.

Во овој термин се играше и мечот меѓу Салернитана и Верона кој заврши 2-2.