Арсенал лани го продаде Мартинез за 20 милиони фунти, сега купува голман за 30 милиони

Арсенал и Шефилд јунајтед постигнале договор за трансфер на голманот Арон Рамсдел и наскоро тој треба да биде комплетиран.

Арсенал ќе плати 24 милиони фунти, плус 6 милиони фунти во бонуси, што значи дека вкупната сума ќе изнесува 30 милиони фунти.

Со ова Арсенал покажува како не треба да се работи на трансфер пазарот бидејќи лани го продадоа Емилијано Мартинез за 20 милиони фунти.

Мартинез кој брани за Астон Вила се промовираше во еден од најдобрите голмани во Премиерлигата, а тој носи огромни засилуги за титулата на Аргентина на Копа Америка оваа сезона.