Халанд се забавуваше на Миконос заедно со „агентот“ Марез (ВИДЕО)

Изборот на Ерлинг Халанд со кого да биде во друштво за време на својот
заслужен одмор на Миконос ги подгреа шпекулациите дека Норвежанецот би можел да
се пресели во Манчестер Сити.

Халанд не успеа со својата селекција да се најде на Европското првенство ова
лето, па замина на грчкиот остров Миконос со своите блиски пријатели, а имаше и дружба со ѕвездата на „Граѓаните“, Ријад Марез.

Откако го забележа видеото на социјалните мрежи, Марез и самиот го објави,
а на истото коментираше: ‘Агентот
Марез на должност’,
алудирајќи на шегите на оваа тема дека за време на дружбата со Халанд ќе се
обиде да го убеди Норвежанецот да потпише со Манчестер Сити.

pic.twitter.com/rDlAtPvurE