Официјално: Томас Тухел го продолжи договорот со Челси

Германскиот стратег на Челси му ја донесе титулата од Лигата на шампионите, а како награда за тоа доби нов договор со лондонскиот клуб.

Првичниот договор на Тухел истекуваше со крајот на идната сезона, денеска потпиша продолжување за две дополнителни години.

„Челси е многу среќен што може да потврди идека по триумфот во Лигата на шампионите, договорот со Томас Тухел е продолжен за уште две години“, стои во соопштението на клубот.