Нуно Еспирито Санто и Маурицио Сари главни кандидати за преземање на кормилото на Лацио

Вулверхемптон му
дозволи на својот доскорашен тренер Нуно Еспирито Санто да си замине по
четирите успешни сезони на клубот од „Молењу“ арената, а иако се шпекулираше дека тој
би можел да го преземе кормилото на Тотнем, се случи повик од Рим, а
котира високо на листата на желби на тој клуб, за што тврди „Калчо Меркато“.

На истата листа
на желби кај првиот човек на Лацијалите, Клаудио Лотито се наоѓаат уште и
Синиша Михајловиќ, Рафа Бенитез, Винченцо Италиано, но и Маурицио Сари.

Сепак, „Тутомеркато“
наведува дека токму Сари е фаворит за преземање на кормилото на Лацио, а тој
веќе е во преговори со клубот од Рим, како нова дестинација за него се
наведуваше и Рома претходно, меѓутоа „Римската волчица“ веќе се договори со
Жозе Мурињо.