Омилениот медиум на Реал Мадрид падна ниско, прави притисок врз судиите за мечот со Челси (ФОТО)

Иако на Островот
не споменаа ништо околу делењето на правдата на натпреварите во Лигата на
шампионите и Лига Европа, односно не направија никаков притисок врз европската
куќа на фудбалот УЕФА, за тоа веќе се погрижи „Марка“, медиум кој е општо
познат по блискоста до Реал Мадрид.

„Фер Плеј Чеферин“,
стоеше денеска на насловната на весникот, алудирајќи на претседателот на УЕФА, Александер Чеферин, а на која се најде и главниот арбитар
за вечерашната пресметка помеѓу Реал Мадрид и Челси во полуфиналето од Лигата
на шампионите, Дени МекКели.

И повеќе од јасно
е дека „Марка“ со ова прави притисок во корист на „Кралевите“ и ќе чека
минимална грешка вечерва за при евентуален пораз да се префрли вината на друг.