Зидан му одговори на Куман: Не беше свирнат пенал, затоа што не беше пенал

Реал Мадрид со 2-1 ја победи Барселона и ја престигна на табелата во Примера. Во мечот имаше и контроверзен момент кога не беше досуден пенал за Каталонците по старт на Менди врз Брејтвајт.

Куман жестоко реагираше по мечот, но Зидан смета деа судиската одлука е исправна.

„Верувам дека судијата не свирна пенал, затоа што тоа не беше пенал. Најважно е тоа што ние го направивме на теренот, на моменти и страдавме бидејќи Барселона е силен тим“, вели Зидан.

„Имаме долга серија без пораз, но се уште не сме освоиле ништо. Има уште многу до крајот. Ќе одмориме утре бидејќи имавме два многу тешки натпревари“.

„Не знам како ќе ја завршиме сезоната. Физички сме на граница“.