Вечерва се игра големото
дерби во шпанската Примера, дуелот на двата титани Реал Мадрид и Барселона, кои
сигурно ќе атакуваат на победа, ако се земе во предвид дека и на обете екипи им
е потребен таков исход во битката за првото месот на табелата.
Ова за нив ќе
биде втора пресметка сезонава, а во првата подобар беше Реал Мадрид кој славеше
победа на гости кај својот голем ривал со 1-3, па во составот на Каталонците
сигурно ќе провладува желба за одмазда
Веќе имаме
можност да се запознаеме со почетните состави на обете екипи, а од тоа што
можеме да го забележиме, Зинедин Зидан направи една измена од составот со кој
го совлада Ливерпул во четвртфиналето од Лигата на шампионите со 3-1 на домашен
терен, па така Феде Валверде почнува од првата минута на местото на Марко
Асенсио.
Во таборот на
гостите пак дефинитивно нема да настапи Џерард Пике откако стоперот не е ниту
во составот на Роналд Куман, ниту пак Антоан Гризман.
На табелата во
Примера прв е составот на Атлетико Мадрид со 66 бода, втора е Барселона со 65,
односно Реал Мадрид со 63 бода. Утре „Јорганџиите“ гостуваат кај Бетис.