Трајковски: Не знам како да ја опишам мојата радост

Трајковски играше во одлична форма на стартот од квалификациите за Светското првенство, стрелаше против Романија и Лихтенштајн, не погоди против Германија, но го покажа својот квалитет.

„Пред сè, среќен сум за победата која ја остваривме сите заедно, ова е еден голем успех за цела Македонија. Не е лесно да се дојде дотука и да се направи една ваква репрезентација, со ваков менталитет, каде што може да се надигрува со сите репрезентации, тоа го докажавме“, вели Трајковски.

„Навистина, не знам како можам да ја опишам мојата радост, победивме една репрезентација која освојуваше светски првенства и со ова покажавме дека сме голема репрезентација и дека можеме да играме со сите“.