Јувентус забележа
минимален пораз на свој терен од Беневенто, а тоа несомнено беше едно од
најголемите изненадувања сезонава во Серија А, па така „Старата дама“
заостанува цели десет бода зад лидерот во тоа првенство Интер.
Поранешниот
легендарен италијански фудбалер, Алесандро Дел Пјеро ја анализира ситуацијата
во неговиот поранешен клуб Јувентус, за што тврди дека е потребна обединетост,
но и концентрација во играта на клубот од Торино.
„Станува збор за
недостаток на концентрација, загрижувачки е сево ова, резултатот е
загрижувачки, постојано говорам за обединетост, за Наполи и Рома, можете
постојано да се уверите дека редовно апелирам на тоа, за да победите потребно
ви е да имате нешто повеќе од другите, кога градите тим, треба да го склопите
целосно, тоа е микс од повеќе работи…“ вели Дел Пјеро.
„На клупата
гледаме еден нов и голем предизвик, изминативе три години се случија големи
промени, од Масимилијано Алегри, клубот се сврте кон Маурицио Сари, а тоа ја
промени целокупната фудбалска идеја во само една година“ додава тој, а потоа
подвлече дека потребна е поддршка за Пирло.
„Потоа, повторно
менувате, но овој пат со една неверојатна личност, го обожавам тој човек, но
тој е нов во оваа работа и има голем предизвик пред себе, во ред, знам дека
клубот е доста моќен, но кога ќе сумирате што се случило, сето тоа не
функционира баш добро изминатиов период“ подвлече тој.
„Јуве се одлучи
за Пирло, почна еден нов проект, а ние гледаме многу проекти околу нас кои и
натаму течат и покрај неуспешните сезони, му укажаа доверба на Пирло бидејќи
тие го повикаа, тој од ништо стана тренер, во една таква ситуација потребна е
поддршка“ наведе Дел Пјеро, кој заклучи дека не може во Кристијано Роналдо да се гледа проблем.
„Не можете да го
гледате Кристијано Роналдо како проблем, тргнавте со него, бидејќи вие така
одлучивте, сега ќе бидете со него, тој е еден од најдобрите фудбалери во
светот, заедно со Лионел Меси, станува збор за одличен фудбалер, кој погодува
на секој натпревар, токму затоа го ангажираа, за да погодува на секој меч, но и
да помогне за Лигата на шампионите, второто не се оствари, но тоа не се случи“
заклучи Дел Пјеро.