Капело: Треба да му се заблагодариме на Јувентус, италијанскиот фудбал стана популарен ширум светот поради Роналдо!

Кристијано Роналдо минатата недела беше на мета на критичарите откако Јувентус беше елиминиран од Порто во Лигата на шампионите, а имаше и многу шпекулации за заминување на ЦР7 од Торино.

Португалецот синоќа одговори со хет-трик против Каљари а од таборот на „старата дама“ порачаа дека иднината на играчот е во клубот.

„Роналдо е многу важен за Серија А. Сите зборуваа за италијанското првенство кога Роналдо се пресели во Јувентус“ – вели Фабио Капело.

„Треба да му се заблагодариме на Јувентус, калчото стана популарно ширум светот поради Роналдо“.

„Но тимот е тој што носи триумф во Лигата на шампиони. Масимо Алегри имаше многу поинаков среден ред кога во два наврати стигна до финале. Проблемот на овој Јувентус е средниот ред“.