Фудбалерот на
Милан, Сандро Тонали признава дека поразот од Наполи на свој терен не минал
како натпревар онака како што тие очекувале, меѓутоа тој додава дека „Росонерите“
мораат да продолжат да целат високо.
Единствениот гол
на мечот беше дело на Политано, а произлезе од една контра на гостите, а
домаќините мака мачеа во текот на дербито, за што и самиот Стефано Пиоли ги призна низата грешки во играта.
„Ова не беше
натпревар каков што очекувавме да биде, ниту пак како што се подготвувавме,
Наполи го затвори сиот приод кон својот гол, а ние немавме доволно простор за
да креираме шанси“ изјави Тонали по мечот, а со оглед на фактот што Милан сега
е поблизу до шестото, отколку до првото место, тој додава дека не постои
притисок во тимот.
„Верувам дека не
постои притисок во тимот, во спротивно би го загубиле секој натпревар, тука
сме, мораме и натаму да целиме високо, не смееме сега да се предаваме“ додаде
фудбалерот од средниот ред на „Росонерите“.