Мојс уште малку до црниот рекорд на Реднап, Манчестер јунајтед со автоголот на Доусон ги однесе бодовите (ВИДЕО)

„Ѓаволите“ отворија +9 во битката за топ 4 откако вечерва со 1-0 го совладаа Вест Хем.

Избраниците на Солшер имаа неколку добри шанси, Гринвуд два пати ја погоди стативата но на крајот стигнаа до трите бода со автоголот на Доусон. Дефанзивецот на „чеканите“ си ја затресе сопствената мрежа на стартот од вториот дел.

Дејвид Мојс никако да победи на Олд Трафорд, Шкотот нема триумф на 14 гостуања на „Театарот на соништата“ и се ближи до црниот рекорд на Хари Реднап, кој нема победа на 15 натпревари.