Се зголемува македонската колонија во Италија, Бобан Николов потпишува за Лече

Бобан Николов од унгарскиот МОЛ Фехервар се сели во Лече. Тој ќе му се приклучи на поранешниот македонски репрезентативец Ленард Жута кој веќе игра таму.

Македонецот веќе е во Лече и денеска треба да ги помине медицинските тестови по што ќе потпише договор со клубот.

Целта на Лече за оваа сезона е експресно враќање во Серија А. Тие во моментов се на петтото место на табелата.

Покрај Бобан Николов и Ленард Жута, во Италија во моментов настапуваат и Горан Пандев, Елиф Елмас и Илија Несторовски.