Арсенал веќе ги има испланирано следните два преодни рока

На Арсенал очајно му оди оваа сезона во Премиерлигата, па Артета заедно со техничкиот директор Еду го кроеле планот што ќе прават во наредните два преодни рока.

„Планот е направен за тоа што ќе правиме во јануари и летото“, вели Артета.

„Еду во моментов се справува со тоа а јас сум фокусиран на натпреварите, во моментов немаме многу време да ја насочиме енергијата кон тоа, бидејќи јасно е што сакаме во моментов“.

„Мојата работа е да го извадам најдоброто од овој состав, од фудбалерите кои ги имаме. Знаеме што сакаме да направиме и ќе се обидеме да го сториме тоа знаејќи ја актуелната состојба на пазарот“.