Промес е уапсен откако со нож прободел член на својата фамилија

28-годишниот Промес од утринава е во притвор поради фамилијарно насилство, фудбалерот на Ајакс прободел роднина и сериозно го повредил.

„Пред еден месец слушнавме за инцидентот. Истрагата тогаш почна и утринава момчето е уапсено“, изјави портпаролот на полицијата Џелмер Гердс.

Промес може да добие максимална казна од четири години затвор доколку се востанови дека е виновен. Тој засега останува во притвор.

Холандските медиуми го запрашале и Ајакс за инцидентот, а портпаролот на клубот само им одговорил: „Квинси денеска не се појави на тренинг“.