Конечно, се случи
и тоа, ќе ја гледаме Македонија на еден голем фудбалски настан во сениорска
конкуренција, откако тоа го сторија младите претходно, сега сениорите испишаа
нови страници од нашата фудбалска историја.
Македонија запиша
минимална победа од гостувањето во Тбилиси кај Грузија со голот на капитенот
Горан Пандев и се пласираше на Европското првенство идната година, а за успехот
на нашата земја пренесоа и регионалните медиуми.
„Браво Македонци,
Горан Пандев покажа дека класата е вечна!“ известува „Спортске“ од Србија, а во
веста додава дека голот беше постигнат по една преубава акција на „комшиите“.
„Историја –
Македонија прв пат оди на ЕУРО: Секоја чест за Горан Пандев, ниту годините ништо не му можат!“ пишува српски
„Мондо“.
„Протекоа солзи,
Македонците за историја: Изборија
место на ЕУРО 2021!“ пишува хрватски „24сата“.
„Грузија –
Македонија 0:1. Историски
успех на Македонците. Пандев ги одведе на ЕУРО“ пренесе хрватски „Индекс“.
„Северна
Македонија го достигна својот фудбалски врв, соседите ќе играат на ЕВРО2020“
напиша бугарски „Спортал“.
„Што друго ќе се
случи во 2020 година? Северна Македонија е на Европско првенство!“ известува бугарски
„Гонг“.
„Историски / За
прв пат го достигнаа врвот по Косово. Албанците од Македонија одат на Европско
првенство“ напиша албански „Спортекспрес“.
„Историски, на
ЕУРО 2020 ќе се зборува и за Албанци, Пандев донесе пласман за Северна
Македонија!“ пренесе албански „Суперспорт“.
„Листа на
натпревари кои ќе бидат одиграни во Букурешт на ЕП 2020. Безвременскиот Горан
Пандев ја пласираше Северна Македонија за прв пат на ова натпреварување“ напиша
романски „Дигиспорт“.
„Грузија –
Северна Македонија 0:1 Пандев
ги испрати на Европско првенство“ извести грчки „спорт24“
„Пандев погоди за
историја, Северна Македонија оди на Европско првенство!“ напиша босански „СпортСпорт“.
Фото-вест: Фудбалска Репрезентација на Македонија (Facebook)