Реал Мадрид убедлив против Уеска, супер гол на Еден Азар (ВИДЕО)

Зидан конечно го има Азар на располагање, Белгиецот против Менхенгладбах одигра 20 минути, а денеска беше стартер.

Реал Мадрид се мачеше да постигне гол против Уеска до 40. минута кога Азар со прецизен шут од далечина погоди за водство од 1-0.

Пет минути подоцна по асистенција од Лукас, Бензема реализираше за зголемување на водството од 2-0.

По девет минути игра во вториот дел веќе беше 3-0, овој пат Валверде со силен шут ги реши сите дилеми околу победникот.

На 15 минути пред крајот Уеска преку Фереиро намали на 3-1, а конечните 4-1 беа дело на Бензема. Тоа беше негов втор погодок на овој натпревар.