Александар Васоски во отворен пост на социјалните мрежи го искажа својот став за актуелната ситуација во Вардар.
Клубот е во рацете на Сергеј Самсоненко до Нова година, а потоа треба да се најде решение како ќе продолжи понатаму, засега нема некои посериозни најави за нов сопственик, па Васоски предупредува дека ситуацијата е алармантна.
„Доколку не се среди ситуацијата во клубот после декември, Вардар ќе доживее најцрно сценарио од неговото постоење“, напиша Васоски. Тој претходно се осврна и на игрите на неговиот тим.
„Почитувани симпатизери на Вардар, чувствувам должност да ви се обратам по повод најновите резултати на Вардар. Што се однесува до резултатите во последните неколку кола (ко не се на нивото на Вардар), лошата среќа како и созревањето на екипата си го земаа својот данок. Екипата на сите натпревари (сметајќи го и високиот пораз со Шкендија) не беше во подредена улога, напротив во сите параметри освен во за жал головите бевме подобри од нашите противници. Физичката спремност во моментов е задоволителна, меѓутоа ни фалат пријателски натпревари за да ги корегираме грешките. Комплетно нова екипа, која за жал во од ја воигруваме и се надевам дека среќата ќе ни се врати и ќе играме уште подобро“.