Манчестер јунајтед и Ливерпул заговараа радикални промени на Премиерлигата, дури и се заканија со напуштање на најсилното првенство на Англија доколку не им биде исполнета желбата за повеќе пари и повеќе моќ.
Иако проектот „Голема слика“ беше напуштен минатата недела, Манчестер јунајтед и Ливерпул не престануваат со потрагата за повеќе пари.
Голем број на извори од Англија пренесуваат дека „ѓаволите“ и „црвените“ ги предводат гигантите од стариот континент за креирање „Европска премиерлига“.
Во новото натпреварување, кое ќе брои 18 клубови, ќе има претставници од Англија, Шпанија, Франција, Италија и Германија. Наводно треба да стартува во 2022, има поддршка од ФИФА и се обезбедени 6 милјарди долари.
Скај Спортс вели дека барем пет клубови од Англија ќе учествуваат во ова ново натпреварување, а покрај Манчестер јунајтед и Ливерпул се споменуваат Арсенал, Челси, Манчестер Сити и Тотнем.
Се верува дека предлогот за ново натпреварување им е доставен и на Барселона, Реал Мадрид и Атлетико Мадрид од Шпанија, ПСЖ од Франција, Баерн Минхен од Германија и Јувентус од Италија.