Македонските надежи ја остварија целта, се враќаат со трите бода од гостувањето кај Фарските Острови.
Селекцијата на Благоја Милевски беше подобар противник од врсниците од Фарските Острови и заслужено дојде до победата.
Поведовме уште во 16. минута кога по едно додавање од Даци, Ристовски од втор обид успеа да постигне убав гол за водство од 1-0.
Тој резултат беше акутелен до 80. минута кога Ацковски само шест минути откако влезе во игра постигна гол за предност од 2-0.
Четири минути подоцна Фарските Острови преку Кнудсен намалија на 2-1 и го поставија конечниот резултат.
Со овој триумф Македонија се искачи на втората позиција на табелата со десет бода, но Израел кој има два бода помалку од 18:40 игра против Казакстан и со победа ќе не врати на третото место.