Шпанските и англиските медиуми пишуваат дека Пол Погба побарал од Манчестер јунајтед да го продаде на Реал Мадрид со кој веќе имал постигнато договор за личните услови.
Реални се шансите Манчестер јунајтед да не игра во Лигата на шампионите следната сезона, а тоа не му се допаѓа на Пол Погба.
Некои сметаат дека неговото однесување е дел од причината за слабата сезона за Манчестер јунајтед, за проблемите кои ги имаше Мурињо, но сега и Солскјер.
Се шпекулираше и за можно враќање на Погба во Јувентус, но тоа нема да се случи. Французинот го одбрал Реал Мадрид каде што негов сонародник е Зинедин Зидан.
Според шпанскиот весник „АС“ близок до Реал Мадрид, Погба одлучил да ги земе работите во свои раце и побарал од Манчестер јунајтед да биде продаден.
Весникот пишува дека 26-годишниот фудбалер веќе се договорил со Реал Мадрид за годишна плата од 10,3 милиони фунти.