Португалецот минатото лето направи рекорден трансфер во Јувентус, но откако во вторникот „Старата дама“ беше елиминирана од Ајакс во Лигата на шампионите, се појавија гласини за крај на авантурата и негово заминување.
Сепак, откако „Бјанконерите“ денеска го обезбедија Скудетото и Кристијано Роналдо испиша историја (стана првиот играч со титули во Англија, Шпанија и Италија, ЦР7 изјави дека и следната сезона ќе биде дел од најтрофејниот клуб на „чизмата“.
Тој доцна вечерва испрати и порака преку социјалните мрежи каде објави видео од неговите најдобри моменти по преселбата во Торино во јули месец минатата година.
Покрај видеото Кристијано Роналдо напиша: „Шампиони на Италија! Горд сум што дадов придонес за испишување историја на овој прекрасен клуб, за кого ми е чест да играм и кој секогаш ми даваше поддршка. Среќен сум. Доминиравме во силно првенство, се боревме, сите заедно. Ова е неверојатна група! И ова е само почеток! Гранде Јуве“.