Ериксен во судиското продолжение му донесе победа на Тотнем (ВИДЕО)

Тотнем на свој терен се мачеше да го разбие Барнли иако важеше за сериозен фаворит. Мрежите мируваа 90 минути, а кога се чинеше дека нема да биде постигнат гол, Ериксен погоди за три големи бода на тимот од Северен Лондон.

Со 1-0 победи и Кристал Палас против Лестер, а со тој резултат но на гостински терен до бодови дојде и Њукасл против Хадерсфилд.

Најефикасно беше на дуелот меѓу Ватфорд и Кардив кој заврши со 3-2 за домаќините, Волвс со 2-0 го совлада Борнмут.

Во првиот денешен натпревар Манчестер Сити со 3-1 го победи Евертон.