Со вечерашниот
дуел помеѓу Евертон и Ватфорд ќе се комплетира 16 коло од англиската
Премиерлига, а на Гудисон Парк, Ришарлисон ќе се соочи со неговиот поранешен
клуб, од каде изминатото лето за цели 40 милиони фунти премина во редовите на
Евертон.
Од друга страна
пак, португалскиот стратег од домаќините, Марко Силва сигурно ќе има не баш
позитивен одговор од гостинските фанови, кои се уште не можат да му простат за
тоа како го напушти Ватфорд.
Медиумите на Островот ги открија плановите на навивачите на Ватфорд за вечерашната пресметка, тие ќе фрлаат гумени змии кон португалскиот стратег.
Како за
потсетување, Ватфорд упати жестоки критики на адреса на Евертон, поради
некоректни преговори со тогашниот нивен тренер, зад нивни грб, а Марко Силва
доби отказ поради сето тоа, тој потоа седна на клупата на Евертон, а со себе го
понесе и Ришарлисон, а за тоа го одврза ќесето на тимот од Гудисон Парк.