Еден гол на Бејл, три бода за Реал Мадрид (ВИДЕО)

Герет Бејл е херојот на Реал Мадрид на денешниот натпревар од Примера против Хуеска.

Клучниот момент се случи уште во осмата минута кога по асистенција од Одриозола, Герет Бејл со убав шут постигна гол за 1-0.

Во продолжението од натпреварот Реал Мадрид не успеа да постигне уште еден погодок, а Хуеска во неколку наврати можеше да дојде до израмнување.

Реал Мадрид по 15 одиграни кола е на четвртата позиција со пет бода помалку од лидерот Барселона и два од Севиља и Атлетико Мадрид.