Прво го „измести“ противникот, па испрати „бомба“, мајсторија на Чурлинов во Полска (ВИДЕО)

Македонскиот репрезентативец Дарко Чурлинов се запиша во листата на стрелците во победата на Погон Шчечин над Виечиста Краков со 2-0 во полското првенство.

Се играше 60-тата минута кога Чурлинов блесна и го постигна еден од најатркативните голови од почетокот на сезоната во Полска. Македонецот со одличен дриблинг се ослободи од противничкиот чувар, а потоа упати силен и прецизен удар кој голманот на Виечиста не успеа да го запре.

За Чурлинов ова е втор погодок сезонава по пет одиграни кола во најсилната полска лига. Погон, пак, со новата победа стигна до 12 освоени бодови.