Денеска веднаш по ждрепката за Лигата на Европа и учесниците во Конференциската лига ги дознаа своите противници.
Во третото по ранг натпреварување ќе има и седум македонски фудбалери.
Елиф Елмас со Аталанта ќе има неколку интересни пресметки. На домашен терен италијанскиот тим ќе ги пречека Пафос, Кајсери и Мјалби, додека ќе гостува кај Ајакс, Борац Бања Лука и Рига.
Езгјан Алиоски со Лугано доби атрактивни противници, меѓу кои се Црвена Звезда и Копенхаген. Швајцарскиот клуб ќе игра и против Сент Труден, Хетафе, Каунас Жалгирис и Јаблонец.
Матеј Гаштаров и Црвена Звезда, пак, ќе се соочат со Копенхаген, Гент, Трабзонспор, Лугано, Интер Ескалдес и Иберија Тбилиси.
Висар Муслиу со Сент Труден го очекуваат дуели против Ајакс, Мјалби, Бран, Лугано, Иберија Тбилиси и Хајдук Сплит.
Елмин Растодер со Панатинаикос ќе има исклучително интересна задача, бидејќи грчкиот тим ќе се соочи со Брајтон, Фрајбург, Борац Бања Лука, Кајрат Алмати, ЦСКА Софија и Нордсјеланд.
Себастијан Херера и Дамјан Шишковски со Борац Бања Лука ги добија Аталанта, Панатинаикос, КуПС, Хартс, Рига и Мјалби.
