ФИФА ја укина суспензијата на Фоларин Балогун и тој ќе игра во осминафиналниот дуел на САД против Белгија на Светското првенство. Одлуката ја поздрави селекторот на американската репрезентација, Маурисио Покетино.
Аргентинскиот стратег порача дека напаѓачот не заслужил да биде исклучен на натпреварот против Босна и Херцеговина и потенцираше дека неговиот тим бил сериозно оштетен, бидејќи повеќе од половина час играл со десетмина.
„Мислам дека кој го следи фудбалот и верува во етика, треба да ја прослави оваа одлука. Бевме казнети против Босна и Херцеговина, игравме со 10 фудбалери дури 35 минути поради неправедна одлука“, изјави Покетино.
Одлуката на Светската фудбалска федерација предизвика голем број реакции, особено откако во медиумите се појавија информации дека во целиот процес се вмешала и Белата куќа.