Австриската репрезентација доби тежок удар непосредно пред почетокот на Светското првенство, откако остана без својата најголема ѕвезда Криштоф Баумгартнер. 26-годишниот офанзивец се повредил за време на загревањето пред пријателскиот натпревар против Тунис и нема да може да настапи на Мундијалот.
Станува збор за мускулна повреда која бара подолга рехабилитација, па Баумгартнер дефинитивно отпадна од комбинација за настап на најголемиот фудбалски турнир. Ова е сериозен проблем за селекторот на Австрија бидејќи фудбалерот на РБ Лајпциг беше еден од најважните играчи во тимот и се наоѓаше во одлична форма во текот на сезоната.
Баумгартнер зад себе има импресивна сезона во Бундеслигата, во која постигна 17 голови и запиша осум асистенции во дресот на Лајпциг.
Неговото отсуство значително ќе ги намали амбициите на Австријците кои се надеваа на добар резултат на претстојното Светско првенство.