Ливерпул бесплатно го носи еден од најдобрите стопери во Премиер?

Ливерпул сериозно размислува за ангажман на Маркос Сенеси, стоперот на Борнмут, кој би можел да пристигне на „Енфилд“ без обештетување.

Аргентинскиот дефанзивец веќе неколку сезони е еден од најважните играчи на Борнмут, а англиските медиуми пишуваат дека неговиот профил целосно одговара на барањата на Ливерпул. Сенеси важи за агресивен и сигурен стопер, кој добро се снаоѓа и во систем со високо поставена одбрана. Во Премиер лигата досега има 113 настапи, а покрај клупските игри, е и стандарден репрезентативец на Аргентина.

Интересно е дека делуваше готова работата за потпис на Сенеси со Тотнем. Сепак, клубот може да испадне од лигата и Ливерпул сака да го искористи таквиот потенцијален исход.