Луис Енрике го спореди ПСЖ со Рафаел Надал!

Тренерот на ПСЖ, Луис Енрике, во пресрет на утрешниот реванш натпревар против Баерн Минхен, направи паралела на неговиот тим со Рафаел Надал.

ПСЖ со 5-4 го победи Баерн Минхен во спектакуларен меч во Париз, а сега предноста треба да ја сочува на Алијанц Арената.

„Рафаел Надал еднаш рече дека во одреден дел од кариерата, тоа што играл против Федерер и Ѓоковиќ, го гледал како поголема мотивација за него. И тоа е тоа што ние го сакаме, ние имаме голема почит за Баерн, но тоа го гледаме и како мотивација да бидеме подобри. Утре ќе се обидеме да победиме тим кој игра на феноменален начин“, рече Луис Енрике.