73
На пет кола до крајот во Ла Лига, шампионската трка практично е решена. Барселона има убедлива предност од 11 бода пред Реал Мадрид и е на чекор до нова титула.
Каталонците веќе следното коло можат математички да ја обезбедат титулата, но за тоа ќе им треба победа над Осасуна и кикс на Реал против Еспањол.
Во спротивно, одлуката ќе падне во Ел Класико на 10 мај, каде што на Барселона ќе ѝ биде доволен и бод за да го потврди трофејот.
Единствената теоретска шанса за Реал е да победи на следните два меча, а Барселона да направи два кикса, сценарио кое изгледа малку веројатно со оглед на формата на двата тима.