Младинците на Реал Мадрид станаа шампиони на Европа!

Младинскиот тим на Реал Мадрид ја освои титулата во Младинска Лига на шампиони, откако во финалето во Лозана го совлада Клуб Бриж по пенали со 5-3, по ремито 1-1 во регуларниот дел.

„Кралевите“ поведоа во првото полувреме преку Хакобо Ортега, но белгискиот состав возврати во продолжението и го израмни резултатот.

Победникот беше решен по пенал серијата, каде што младите фудбалери на Реал Мадрид покажаа поголема сигурност и стигнаа до европската круна. Со ова младинците тргнаа по стапките на сениорскиот тим кој е најтрофеен во елитното европско натпреварување, откако трофејот го освоија и во 2020 година.