Медиумите го отпишаа Екитике од мундијалот, и не само тоа, напаѓачот ќе се врати дури во 2027!

Голем број на извори од Франција пренесуваат дека Уго Екитике го чека долга пауза поради повреда на Ахиловата тетива, напаѓачот ќе се врати на терените дури следната година.

Уго Екитике на носилки го напушти теренот на вчерашниот натпревар помеѓу Ливерпул и ПСЖ во Лигата на шампионите, се повреди без контакт со противник, па веднаш стана јасно дека е нешто сериозно.

Во исчекување на официјално соопштение од Ливерпул, голем број на извори од Франција објавија дека напаѓачот ја повредил Ахиловата тетива.

Без разлика дали е делумно или целосно кинење, процесот на рехабилитација ќе биде прилично долг.

Уго Екитике сигурно нема да настапи на Светското првенство, и не само тоа, се очекува тој да се врати на терените дури во 2027 година.