Играчот кој се префрли од тенис на фудбал поради Иниеста е на радарот на Барселона и Реал!

Сезоната на Нил Ел Ајнауи во Рома не се одвива според очекувањата, но тоа не го намалува интересот за него на трансфер пазарот.

Барселона, Реал Мадрид и Лајпциг внимателно ја следат неговата ситуација и веќе се најавува можен трансфер следното лето, особено ако ја подигне формата и добие поголема минутажа.

Фудбалерот помина и низ тежок период надвор од теренот, откако беше киднапиран, што остави влијание врз неговите настапи.

Сепак, се очекува да има значајна улога за Мароко на Светското првенство, каде би можел повторно да го покаже потенцијалот. Интересно е што како дете тренирал тенис, но се префрлил на фудбал инспириран од Андрес Иниеста.