48
Легендарниот германски фудбалер Лотар Матеус, во пресрет на големото соочување меѓу Баерн Минхен и Реал Мадрид во четвртфиналето од Лигата на шампионите испрати критики за Винисиус Жуниор.
Матеус призна дека Бразилецот е одличен фудбалер, меѓутоа го критикуваше неговото однесување на теренот.
„Винисиус е, секако, одличен фудбалер, но постојано провоцира и кога некој ќе го собори на теренот, веднаш почнува да се жали, а потоа и да плаче. Тоа е типично за него“, истакна Матеус.
Германецот не застана тука. Тој упати критики и за одлуката на Реал Мадрид да ја бојкотира церемонијата за доделување на „Златната топка“ за 2024 година, оценувајќи дека станува збор за потег кој е целосно недозволив.