Несекојдневен инцидент одбележа натпревар од аматерски ранг во истанбул каде што еден голман среде натпревар погоди галеб.
Се играше 22. минута од дуелот меѓу Мевланакaпи Гузелхисар и Истанбул Јурдум Спор кога голманот Мухамет Ујаник ја исфрли топката од својот шеснаесетник. Во лет, топката удри галеб кој веднаш падна на тревникот.
Ујаник подоцна призна дека во првиот момент не ни сфатил што се случило, сѐ додека не ѝ се доближил на птицата. Вели дека бил во шок и длабоко потресен, свесен дека станува збор за живо суштество.
Херој на денот, сепак, бил капитенот на тимот, Гани Чатан. Тој прв притрчал до повредениот галеб и забележал дека не покажува знаци на живот, па инстинктивно започнал со реанимација, односно со масажа на срцето.
Чатан објаснил дека обидот за оживување траел околу две минути и дека не сакал да се откаже сѐ додека не забележал движење на нозете и очите на птицата.
Набрзо галебот почнал да доаѓа при свест, му била дадена вода, а потоа бил изнесен од теренот и предаден на медицинска екипа.
🇹🇷 In Turkey, during an amateur league match in Istanbul, a goalkeeper accidentally hit a seagull with the ball.
— Russian Market (@runews) February 23, 2026
A player from one of the teams managed to perform CPR on the bird and saved its life. pic.twitter.com/USKsUMz2YR