Шкендија ја загуби првата битка од плејофот во Конференциската лига против Самсунспор, турскиот тим од Скопје си замина со победа од 1-0 и направи крупен чекор кон следната рунда.
Актуелниот македонски шампион, екипата на Шкендија беше надиграна на Националната арена „Тодор Проески“ во Скопје, Самсунспор доминираше во текот на целиот натпревар, а тетовчани може да бидат задоволни што имаат негатива од само еден гол.
Самсунспор пропушти шанса рано да поведе, добија пенал уште во седмата минута, но нивната главна ѕвезда, Ндиаје биеше високо над голот.
Турците на крилјата на навивачите кои ги имаа во поголем број, продолжија да притискаат, но Шкендија ги одбиваше нападите.
Македонскиот тим одолеваше до 77. минута кога по одличен центаршут на Холсе, Мариус ја смести топката во мрежата на Шкендија за водство на Самсунспор од 1-0.
Le beau ballon de Carlo Holse pour Marius, Samsunspor plante en Macédoine ! pic.twitter.com/W1wtFumwTZ
— Le Football en VOD LXXX (@le_lxxx8228) February 19, 2026
Гостите беа поактивни и по дадениот гол, напаѓаа и за втор погодок, но резултатот остана непроменет.
Реваншот во Турција се игра на 26. февруари со почеток од 18:45 часот.
Фото: Самсунспор