Фудбалерите на Бетис приредија изненадување во 23. коло од Ла Лига, откако на гостински терен го совладаа Атлетико Мадрид со минимални 1-0 на „Ванда Метрополитано“.
Андалузискиот клуб продолжува да биде едно од најпријатните изненадувања сезонава во шпанското првенство, а со овој триумф се искачи на петтата позиција на табелата, потврдувајќи дека добрите резултати не се случајност.
Натпреварот донесе отворена игра и шанси на двете страни, но пресуден момент се случи во 28. минута кога бразилскиот фудбалер Антони ја затресе мрежата на домаќините и му донесе предност на Бетис.
What a fantastic goal by Antony. pic.twitter.com/Rpj4fZCRkD
— Goals Xtra (@GoalsXtra) February 8, 2026
Во продолжението Атлетико силно притисна во обид да израмни, а мрежата на гостите беше затресена двапати, но двата погодоци беа поништени поради офсајд. Најмногу реакции предизвика ситуацијата во 82. минута, кога голот на Антоан Гризман беше поништен поради минимален, милиметарски офсајд.
