Англискиот репрезентативец Кол Палмер сериозно размислувал за заминување од Челси и преселба во Манчестер јунајтед, пренесуваат британските медиуми.
Информацијата ја објави и реномираниот новинар Фабрицио Романо, што дополнително ја разбранува фудбалската јавност на Островот, со оглед на тоа што Палмер важи за најголема ѕвезда на Челси, а евентуалниот трансфер би значел шокантен потпис за еден од најголемите ривали на лондонскиот клуб.
Иако има договор со „сините“ до 2033 година, во англиските медиуми се наведува дека 21-годишниот офанзивец чувствува носталгија по родниот Витеншо, предградие на Манчестер, каде често престојува поради семејството и блиските пријатели.
Палмер сезонава беше стандарден член на стартниот состав на Челси, настапувајќи од првата минута на 11 натпревари, иако одреден период се соочуваше и со проблеми со повреди.