Иако Брахим Дијаз го заврши Африканскиот Куп на Нации како најдобар стрелец со пет погодоци и ја освои „Златната копачка“, финалето против Сенегал ќе го следи како тежок товар во неговата кариера. Наместо како херој, Дијаз ќе биде запаметен како трагичар поради промашениот пенал во самиот финиш од регуларниот дел.
Фудбалерот на Мароко имаше историска шанса да донесе титула по цели 50 години чекање, но неговиот обид со „паненка“ заврши во рацете на сенегалскиот голман, по што сонот за африканската круна се распадна.
„Ме боли душата. Сонував за титула благодарение на љубовта што ми ја пруживте сите, секоја порака, секој знак на поддршка што ми даде чувство дека не сум сам. Се борев со сите сили, со срце над се“,
„Вчера потфрлив и ја преземам целосната одговорност. Искрено се извинувам. Ќе ми биде тешко да се опоравам бидејќи оваа рана тешко зараснува, но ќе се обидам. Не заради себе, туку за сите кои веруваа во мене и за сите кои страдаа со мене. Ќе продолжам понатаму сè додека еден ден не можам да ви ја вратам целата оваа љубов и да станам извор на гордост за мојот марокански народ“, напиша разочараниот Брахим.
Претходно во јавноста се појавија и информации дека Дијаз се извинил пред соиграчите во соблекувалната по финалето, но според истите извори, ниту еден од нив не му простил за промашувањето кое го одбележа турнирот.
“¿Si lo falló a propósito? No, claro que no. SEAMOS SERIOS. ¿De verdad creen que con un minuto para el final y con un país que lleva 50 AÑOS esperando un título, podemos llegar a un acuerdo?”.
— Ataque Futbolero (@AtaqueFutbolero) January 19, 2026
Mendy, sobre el penal de Brahim Díaz. ⚠️🗣️
⁉️ ¿Opiniones?
pic.twitter.com/hlWqHXANRj