Младиот 18-годишен египетски фудбалер Хамза Абделкарим ќе стане првиот Египќанец кој ќе го облече дресот на Барселона.
Како што пренесуваат бројни извори од Шпанија и Египет, Барселона постигнала договор со Ал-Ахли за откуп на договорот на Абделкарим, кој ќе биде и првото засилување на каталонскиот гигант во зимскиот преоден рок. Според договорот, младиот напаѓач најпрво ќе пристигне на позајмица до крајот на сезоната, за сума д 1.5 милион евра, а потоа Барселона на лето ќе може да го откупи за 3.5 милиони. Дополнително, египетскиот клуб ќе задржи 15 проценти од евентуалната идна продажба на фудбалерот.
🚨 𝐍𝐄𝐖: Sources from Egypt confirm Hamza Abdelkarim to Barça is DONE. The youngster will become the first ever Egyptian to play for Barcelona. 🇪🇬👀 pic.twitter.com/QLNakIyuqS
— BarçaTimes (@BarcaTimes) January 1, 2026
Абделкарим ќе влезе во историјата како прв Египќанец во дресот на Барселона, а се очекува на почетокот да настапува за резервниот тим на Каталонците.
Младиот офанзивец дури оваа сезона почна да добива поголема шанса во првиот тим на Ал-Ахли, откако претходно блескаше во младинските категории. За кадетската репрезентација на Египет има импресивен учинок од 12 голови на 17 одиграни натпревари.