Марез уште е „талисман“ на Алжир, синот на Зидан дебитира со победа на АКН

Репрезентацијата на Алжир успешно го отвори настапот на Африканскиот Куп на нации со победа над Судан од 3-0.

Херој на триумфот беше Ријад Марез кој постигна два погодоци во 2. и 61. минута, додека конечниот резултат го постави Ибрахим Маза во 86. минута.

Судан остана со играч помалку уште во првото полувреме по исклучувањето на Салахелдин Алхасан, што Алжир максимално го искористи.

Натпреварот беше посебен и за Лука Зидан, кој го забележа својот прв настап на континентално првенство. Во следното коло Алжир ќе игра против Буркина Фасо, а Судан против Екваторска Гвинеја.