Фудбалерите на Болоња вечерва се пласираа во четвртфиналето од Купот на Италија откако на домашен терен ја совладаа Парма со 2-1.
Парма поведе во 13. минута кога Ловик испрати одлично додавање кон Адријан Бенедижак, а Полјакот успеа да го совлада Равалја.
Сепак, на пауза се замина со нерешени 1-1, откако Џонатан Роу од втор обид, по одбиена топка од стативата, и донесе израмнување на Болоња во 38. минута.
Пресвртот се случи во самата завршница, поточно во 89. минута, кога резервистот Сантијаго Кастро успеа да му избега на својот чувар и со удар со глава да го совлада голманот по центаршутот на Холм.
Болоња во четвртфиналето ќе игра против подобриот од вечерашниот дуел меѓу Лацио и Милан.
Jonathan Rowe 🏴, ancien marseillais, tient ENFIN son premier but avec Bologne ✅💙
