Рио де Жанеиро вчера беше обоен во црвено-црни бои. Фудбалерите на Фламенго се вратија во Бразил од перуанска Лима, каде што ја освоија Копа Либертадорес, а дочекот што им го приредија навивачите беше вистински спектакл.
Како што секогаш е вообичаено грачите се возеа низ градот со автобус без кров, а навивачката еуфорија најдобро покажa колку им значи четвртата титула од ова престижно натпреварување, со која Фламенго стана најуспешниот бразилски клуб на елитната сцена на јужноамериканскиот фудбал.
FLAMENGO FESTEJÓ SU CUARTA COPA LIBERTADORES EN LAS CALLES DE RÍO DE JANEIRO 🏆🇧🇷 pic.twitter.com/okdzEacUBd
— TNT Sports Argentina (@TNTSportsAR) December 1, 2025
Автобусот со шампионите се движеше по рутата од улицата Примеи́ро де Марсо до крстосницата меѓу авенијата Антонио Карлос и улицата Араухо Порто Алегре.
Каква била еуфоријата доволно говори и податокот што го објавија градските власти. Имено, на делница долга само 850 метри се собрале околу половина милион луѓе.
Фудбалерите на Фламенго гордо им го покажуваа трофејот на своите навивачи, освоен по победата над лутиот ривал Палмеирас со 1-0 во финалето.
🔴⚫️ FESTA DO FLAMENGO NO CENTRO DO RIO | COR ACOMPANHA MOVIMENTAÇÃO ⚫️🔴
— Centro de Operações Rio (@OperacoesRio) November 30, 2025
A Rua Primeiro de Março já está lotada de torcedores esperando o time campeão da Taça Libertadores 2025!
O COR acompanha a movimentação através de câmeras e drones.
🚧 Vale lembrar que a Rua Primeiro de… pic.twitter.com/MPXGYye72v